بدترین سیاسی و معاشی بحران، لبنان میں ایک ڈالر میں مقامی کرنسی کتنی؟

Reading Time: < 1 minute

مشرق وسطی کے ملک لبنان میں بدترین معاشی بحران جاری ہے اور اس دوران پارلیمنٹ گیارہویں مرتبہ نئے صدر کے انتخاب میں ناکام ہو گئی ہے۔

معاشی و سیاسی بحران کے بھنور میں گھرے ملک میں مقامی کرنسی لیرا کی قدر تاریخ کی کم ترین سطح پر آ گئی ہے۔

اس وقت ایک امریکی ڈالر کے بدلے بیروت میں 50 ہزار لیرا مل رہے ہیں۔

مقامی کرنسی ڈیلرز کے مطابق گزشتہ تین برسوں میں لیرا کی قدر میں ہزاروں گنا کمی ہو چکی ہے۔

صرف تین برس قبل ایک ڈالر کے بدلے ڈیڑھ ہزار لیرا ملتے تھے۔

مقامی لوگ ملک کے دارالحکومت بیروت میں ایک روٹی کی خریداری کے لیے بیکریوں کے باہر قطاروں میں کھڑے نظر آتے ہیں۔