بول ٹی وی کی بولی لگ گئی، آٹھ ارب روپے میں فروخت

Reading Time: < 1 minute

پاکستان کے ایک نجی ٹی وی چینل بول نیوز کو فروخت کیا جا رہا ہے اور کراچی کی ایک کاروباری شخصیت نے ابتدائی طور پر معاملات طے کر لیے ہیں۔

تحریک انصاف کی حامی پالیسی کی وجہ سے بول نیوز اس وقت پاکستان میں اے آر وائے جتنی مقبولیت حاصل کر چکا ہے۔

چینل کی فروخت کے معاملات سے باخبر ذرائع کے مطابق ابتدائی طور پر بول گروپ کے 40 فیصد حصص فروخت کیے جا رہے ہیں۔

ذرائع کے مطابق بول گروپ کے شیئرز کراچی کے ایک معروف ٹرانسپورٹ خرید رہے ہیں۔

بول نیوز کے ملازمین گزشتہ چند ماہ کے دوران تنخواہوں کی ادائیگی میں تاخیر کے باعث پریشانی کا شکار ہیں۔

ذرائع کے مطابق بول گروپ کی فروخت کا معاہدہ اگلے ایک ہفتے میں پبلک کر دیا جائے گا۔