توشہ خانہ کی جعلی رسیدیں، بشریٰ بی بی کو گرفتار کرنا ہے: تفتیشی افسر
اسلام آباد کی ڈسٹرکٹ اینڈ سیشن کورٹ نے توشہ خانہ جعل سازی کیس میں سابق خاتون اول بشری بی بی کی ضمانت میں 12 ستمبر تک توسیع کر دی ہے۔
جمعرات کو مقدمے کے تفتیشی افسر اور پراسیکیوٹر نے توشہ خانہ جعل سازی کیس میں بشری بی بی کی گرفتاری کے لیے اُن کی ضمانت منسوخ کرنے کی استدعا کی۔
تفتیشی نے کہا کہ مقدمے کی تفتیش آگے بڑھانے کے لیے گرفتاری چاہیے۔
تفتیشی افسر نے عدالت کو بتایا کہ بشری بی بی کی ایف آئی اے کو آڈیو کی فرانزک کے لیے بھیجی ہوئی ہے۔
جج نے کہا کہ معاملہ رسیدوں کا ہے تو آڈیو کہاں سے آ گئی؟
بشریٰ بی بی کے وکیل نے عدالت کو بتایا کہ اُن کی موکلہ سے تین، تین گھنٹے تفتیش کی گئی۔
دوسری جانب سائفر کیس میں گرفتار عمران خان اور شاہ محمود قریشی کی درخواست ضمانت پر سماعت کرنے والے جج ابولحسنات ذوالقرنین اج بھی رخصت پر ہیں وہ 8 ستمبر تک رخصت پر ہیں۔ عمران خان اور شاہ محمود قریشی کی ضمانت کی درخواستیں سماعت کے لیے مقرر تھیں۔
