ق لیگ اور ن لیگ میں اتحاد نہ سیٹ ایڈجسٹمنٹ، مقابلہ ہو گا: پارٹی کا فیصلہ

Reading Time: < 1 minute

جمعہ12 جنوری 2023 کو سابق وزیراعظم و صدر پاکستان مسلم لیگ چوہدری شجاعت حسین کی زیر صدارت پاکستان مسلم لیگ کے ہنگامی اجلاس کے بعد جاری میں ق لیگ نے ن لیگ کا الیکشن میں مقابلہ کرنے کا اعلان کیا ہے۔

بیان کے مطابق پاکستان مسلم لیگ نے ہمیشہ پاکستان اور پاکستانی عوام کی ترقی اور خوشحالی کے لیے اپنا کردار ادا کیا ہے اور کرتے رہیں گے۔ صرف اپنی ذات کی حد تک سیٹ ایڈجسٹمنٹ قبول نہیں۔

ق لیگ کے بیان کے مطابق ہمارے دیگر امیدوار وں کے مقابلے میں نون لیگ نے اپنے امیدواروں کو ٹکٹ جاری کر دیے ہیں۔
لہذا پارٹی کے قائد اور دیگر رہنماؤں نے فیصلہ کیا ہے کہ ہم اپنے امیدواروں کو دوہرے معیار کی نذر نہیں ہونے دیں گے۔ اور نون لیگ سے سیٹ ایڈجسٹمنٹ نہیں کریں گے۔

سابق وفاقی وزیر و سینئر نائب صدر پاکستان مسلم لیگ چوہدری سالک حسین نے مزید کہا کہ ن لیگ نے گجرات سے بھی میرے اور میرے بھائی چوہدری شافع حسین کے خلاف اپنے نامزد کردہ امیدواروں کو ٹکٹ جاری کیے۔

چوہدری سالک نے کہا کہ ہم نے جن امیدواروں سے عہد کیا وہ ہمارے ساتھ ہیں اور اگر ن لیگ ان کا مقابلہ کرے گی تو ہم بھی اپنے ساتھیوں کے ساتھ اسی صف میں کھڑے ہونے کو ترجیح دیں گے۔

ان کا کہنا تھا کہ وہ سیٹ ایڈجسٹمنٹ کے بغیر بھی مقابلے کے لیے تیار ہیں۔