سکیورٹی خدشات میں گھرے عام انتخابات میں پُرامن پولنگ

Reading Time: < 1 minute

پاکستان میں عام انتخابات کے لیے پولنگ مکمل ہونے کے بعد نتائج کا انتظار جاری ہے۔

ملک بھر سے 12 کروڑ 79 لاکھ 21 ہزار 49 رجسٹرڈ ووٹرز قومی اسمبلی اور چاروں صوبائی اسمبلیوں کے لیے نمائندے منتخب کرنے کے لیے رائے دہی استعمال کر چکے.

الیکشن مہم کے دوران دھماکوں اور فائرنگ کے واقعات میں ایک امیدوار سمیت 35 افراد کی ہلاکت کے بعد سکیورٹی خدشات پائے گئے۔

12 کروڑ سے زائد ووٹرز 17 ہزار 758 امیدواروں میں سے قومی اور صوبائی اسمبلیوں کے 855 حلقوں میں اپنے امیدواروں کا انتخاب کرنے کے لیے ووٹ پول کیا۔

قومی اسمبلی کے ایک اور صوبائی اسمبلیوں کے تین حلقوں سمیت چار انتخابی حلقوں میں امیدواروں کی اموات کی وجہ سے پولنگ ملتوی کر دی گئی۔

قومی اسمبلی کے حلقہ این اے۔8 باجوڑ، پی کے۔22 باجوڑ، پی کے۔91 کوہاٹ اور پنجاب اسمبلی کے حلقہ پی پی۔266 رحیم یار خان میں امیدواروں کی وفات کی وجہ سے پولنگ ملتوی کی گئی۔

ملک بھر میں 14 لاکھ 90 ہزار افراد پر مشتمل انتخابی عملہ اپنی ذمہ داریاں سرانجام دے گا۔ ملک بھر میں 90 ہزار 675 پولنگ سٹیشنز اور دو لاکھ 66 ہزار 398 پولنگ بوتھ قائم کیے گئے، ہر حلقے کا غیرحتمی غیرسرکاری نتیجہ ریٹرننگ آفیسر کے دفاتر سے جاری کیا جائے گا۔

الیکشن کمیشن کی جانب سے جاری تفصیلات کے مطابق پولنگ صبح آٹھ بجے سے بغیر کسی وقفے کے شام پانچ بجے تک جاری رہی.