گنڈاپور کو شہباز شریف کے ساتھ تصویر نہیں بنانا چاہیے تھی: عمران خان

Reading Time: 2 minutes

راولپنڈی کی اڈیالہ جیل میں قائم عدالت میں عمران خان سے صحافیوں سے غیر رسمی گفتگو میں کہا ہے کہ آئی ایم ایف کے دفتر کے سامنے جو احتجاج ہوا وہ درست تھا تاہم فوج مخالف نعرے بازی کا علم نہیں۔

سنیچر کو اُن کا کہنا تھا کہ علی امین گنڈاپور کو شہباز شریف کے ساتھ تصاویر نہیں بنوانی چاہئے تھی، خدشہ ہے کہ وفاقی حکومت خیبر پختونخوا کا فنڈ جاری نہیں کرے گی۔

عمران خان نے کہا کہ 3 کروڑ ووٹ ہماری جماعت کو ملے اور 3 کروڑ 17 جماعتوں کو ملے۔

انہوں نے مطالبہ کیا کہ پاکستان میں ہونے والے انتخابات کا فوری طور پر آڈٹ کروایا جائے۔

سابق وزیراعظم کے مطابق ہماری اکانومی ڈوب رہی ہے، ملک میں سخت ریفارمز کی ضرورت ہے، یہ حکومت چل نہیں سکتی۔

عمران خان نے کہا کہ کوئی میرے گھر پر ڈاکہ مارے اور کہے کہ بھول جاؤ یہ کیسا انصاف ہے، ووٹ کو عزت دینے والوں نے بوٹ کو عزت دینا شروع کر دی ہے۔

ان کا کہنا تھا کہ شریف خاندان کو بوٹ کے بغیر گزارہ نہیں ہے

فلسطین کے مسئلے پر او آئی سی کو کھڑا ہونا چاہیے تھا لیکن ساوتھ افریقہ نے اسٹینڈ لیا، فلسطین کے مسئلے پر ہم جنگ نہیں کر سکتے،

چوری ہوئی نہیں تو کیس کیسے چل رہا ہے، پیسہ سپریم کورٹ سے حکومت کے پاس چلا گیا۔

190 ملین پاؤنڈ کیس تب چلایا جارہا ہے کہ مجھے اگر ضمانت ملے تو اس میں پھنسا لیا جائے

یوسف رضا گیلانی کا بیٹا سینٹ الیکشن میں پیسے دیتے ہوئے پکڑا گیا آج تک کیس نہیں چل سکا

آج الیکٹرانک ووٹنگ مشین ہوتی تو دھاندلی کا معاملہ ایک گھنٹے میں حل ہو جاتا

آئی ایم ایف سے قرض لینے سے پہلے ملک میں سیاسی استحکام ضروری ہیں

سیاسی استحکام تب ہی ہو گا تب عوام کو اس کا چوری ہونے والا مینڈیٹ واپس کیا جائے گا

18 ماہ کے دوران ملک پر ریکارڈ قرضہ چڑھایا گیا

نگران حکومت کانسپٹ مکمل تباہ کیا گیا، یہ سب ملے ہوئے تھے

الیکشن کمیشن، مسلم لیگ ن اور باقی ادارے ملے ہوئے تھے تب ان پر اعتماد نہیں

صاف شفاف انتخابات کروائیں جو بھی آئے مجھے منظور ہو گا

ایک قوم بن کر ریفارمز کی ضرورت ہے، جرمنی اور جاپان بھی ایک قوم بنی تھی

اٹک جیل میں برے حالات تھے،بہت سختی کی گئی، زمین پر سلایا گیا

اُن سے پوچھا گیا کہ شیخ رشید اتحادی پارٹی چھوڑ گئے اس پر کیا کہیں گے، تو عمران خان نے کہا کہ شیخ رشید کا شغل مس کریں گے۔