جرمنی میں تہوار کے دوران چاقو سے حملہ، تین شہری ہلاک

Reading Time: < 1 minute

پولیس نے بتایا ہے کہ مغربی جرمنی کے شہر سولنگن میں جمعے کی رات ایک تہوار کے دوران چاقو سے حملے میں تین افراد ہلاک اور چار دیگر شدید زخمی ہو گئے۔

ان کا کہنا تھا کہ مقامی وقت رات 10 بجے کے قریب ایک واحد، نامعلوم شخص نے متعدد افراد پر حملہ کیا اور یہ کہ مجرم ابھی تک فرار ہے۔

سولنگن کے میئر ٹم اولیور کرزباخ نے ایک بیان میں کہا کہ "یہ بات میرے دل کو چھلنی کر دیتی ہے کہ ہمارے شہر پر حملہ ہوا ہے۔ جب میں ان لوگوں کے بارے میں سوچتا ہوں جن کو ہم کھو چکے ہیں تو میری آنکھوں میں آنسو آ جاتے ہیں۔”

ان کا کہنا تھا کہ "میں ان تمام لوگوں کے لیے دعا گو ہوں جو زخمی ہیں اور اپنی زندگی کی جنگ لڑ رہے ہیں۔”