ٹریفک حادثے میں ایک ہی خاندان کے 6 افراد ہلاک
Reading Time: < 1 minuteپنجاب کے ضلع فیصل آباد کے قصبے تاندلیانوالہ کے قریب جمعے کی رات سڑک کے ایک حادثے میں ایک ہی خاندان کے 6 افراد ہلاک اور 3 زخمی ہوگئے۔
حادثہ تاندلیانوالہ کے نواح میں دھند کی زد میں آنے والی سڑک پر پیش آیا جہاں تیز رفتاری کے باعث کار ٹریکٹر ٹرالی سے ٹکرا گئی۔
کار میں سوار چھ افراد موقع پر ہی ہلاک اور تین زخمی ہوگئے۔
ایک پولیس اہلکار نے بتایا کہ مرنے والوں کی شناخت رابعہ بی بی، اس کی بیٹیاں 13 سالہ فجر اور 11 سالہ امامہ، 6 سالہ یحییٰ اور ایک سالہ موسیٰ اور رئیس کے نام سے ہوئی ہے۔
گاڑی چلانے والا شاہ زیب، اس کی بیوی اور بیٹا زخمی ہوگئے۔
حادثے کی اطلاع ملتے ہی پولیس اور امدادی ٹیمیں موقع پر پہنچ گئیں. ہلاک اور زخمیوں کو اسپتال منتقل کیا۔
زخمیوں کو بعد ازاں تشویشناک حالت کے پیش نظر فیصل آباد ہسپتال منتقل کر دیا گیا۔
پولیس نے ٹریکٹر ٹرالی کو قبضے میں لے کر فرار ڈرائیور کی تلاش شروع کر دی۔
پاکستان میں سڑک حادثات کافی عام ہیں، جس کی وجہ سڑکوں میں گڑھے اور تیز رفتاری ہے.
خراب سڑکوں اور ناقص گاڑیوں کی وجہ سے یہ خطرناک ممالک میں سے ایک ہے۔
دھند ٹریفک کی صورتحال کو مزید پیچیدہ بناتی ہے اور اس کے نتیجے میں حادثات میں اضافہ ہوتا ہے۔
