اسلام آباد ہائیکورٹ احمد نورانی کے دو بھائیوں کے اغوا کے مقدمے میں بے بس

Reading Time: < 1 minute

امریکہ میں مقیم پاکستانی صحافی احمد نورانی کے دو بھائیوں کے اغوا کے خلاف اسلام آباد ہائیکورٹ میں دائر حبس بے جا کی درخواست پر تین دن گزرنے کے بعد بھی قانونی کارروائی آگے نہ بڑھائی جا سکے۔

جمعے کو جسٹس امین منہاس کی عدالت میں اسلام آباد پولیس کے ڈی ایس پی اور تھانہ نون کے انسپکٹر/ ایس ایچ او حاضر ہوئے۔

دونوں افسران نے یہ نہ بتایا کہ ایف آئی آر تک کیوں درج نہ کی تاہم یہ کہا کہ معاملے کی دریافت جاری ہے۔

جسٹس امین منہاس نے درخواست گزار آمنہ بشیر کی وکیل ایمان مزاری کی استدعا کے باوجود پولیس افسران کو پیر تک مہلت دے دی۔

آمنہ بشیر نے عدالت کے باہر صحافیوں سے گفتگو میں عدالتی کارروائی پر مایوسی کا اظہار کیا اور اپنے لاپتہ کیے گئے بیٹوں کی خیریت کے لیے پریشان دکھائی دیں۔