بلاسفیمی کیسز میں مبینہ گینگ کی تحقیقات کے لیے کمیشن کی تشکیل کا حکم
بلاسفیمی یا توہین مذہب کے الزامات کی تحقیقات کے لیے کمیشن تشکیل دینے کی درخواستیں اسلام آباد ہائیکورٹ نے منظور کرتے ہوئے حکومت کو ہدایات جاری کی ہیں۔
منگل کو سماعت کے اختتام پر عدالت نے حکومت کو 30 روز میں کمیشن تشکیل دینے کا حکم دیا اور کمیشن کو 4 ماہ میں کارروائی مکمل کرنے کی ہدایت کی۔
اسلام آباد ہائیکورٹ کے جسٹس سردار اعجاز اسحاق نے حکمنامہ لکھواتے ہوئے قرار دیا کہ کمیشن اگر وقت میں اضافہ کرنا چاہے تو وہ عدالت سے رجوع کر سکتا ہے اور اس کے لیے وجوہات بتانا ہوں گی۔
راؤ عبدالرحیم اور دیگر مدعا علیہان کے وکلا نے عدالت کے حکمنامہ لکھواتے وقت کارروائی میں خلل ڈالنے کی کوشش کی جن کو پولیس کے ذریعے پیچھے کیا گیا۔
