زہریلے مشروم کھلانے والی قاتل آسٹریلوی خاتون کو 33 برس قید

آسٹریلیا میں زہریلے مشروم کھلا کر رشتہ داروں کو جان سے مارنے والی خاتون کو عدالت نے عمر قید کی سزا سنا دی ہے۔

خبر رساں ادارے اے پی کے مطابق پیر کو ایرین پیٹرسن کو سنائی گئی سزا 33 برس قید اور ناقابل ضمانت ہو گی۔

ریاست وکٹوریہ کی سپریم کورٹ کے جج جسٹس کرسٹوفر بیلے کا کہنا ہے کہ خاتون کے جرائم میں بھروسے یا اعتماد کو توڑنا بھی شامل ہے۔

عدالت نے سات جولائی کو 50 سالہ ایرین پیٹرسن کو مجرم قرار دیتے ہوئے کہا تھا کہ ’جان بوجھ کر قدم اٹھایا گیا اور وہ تین افراد کے قتل کی ذمہ دار ہیں۔‘

آسٹریلوی خاتون کو شوہر کے تین بزرگ رشتہ داروں کو زہریلی کھمبیوں والے کھانے سے قتل کرنے کے جرم میں پیر کے روز کم از کم 33 سال قید کی سزا سنائی گئی۔

یہ ملک میں کسی خاتون کو دی جانے والی طویل ترین قید میں سے ایک ہے۔

پریزائیڈنگ جج نے کہا کہ ایرن پیٹرسن نے اپنے سسرال والوں پر کوئی رحم نہیں کیا جب اس نے بیف ویلنگٹن کے انفرادی حصے ڈیتھ کیپ مشروم سے بھرے تھے۔