’سب کسی فلم کا حصہ لگ رہا تھا‘، ٹیکساس کی ہائی وے پر چھوٹا طیارہ تباہ

امریکہ کی ریاست ٹیکساس کے لیریڈو میں منگل کی رات ایک چھوٹا طیارہ ہائی وے پر گر گیا-

کریش کرنے کے فورا بعد طیارے نے آگ پکڑ لی جس کی وجہ سے لوگ اپنی گاڑیاں چھوڑ ریسکیو کرنے آئے-

ہائی وے پر سفر کرنے والوں نے پولیس کے پہنچنے سے قبل ہی اپنی مدد آپ کے تحت الٹے پڑے طیارے کا دروزہ کھولا اور کاک پٹ کی کھڑکی توڑ کر اندر موجود لوگوں کو بچانے کی کوشش کرنے لگے۔

اس کی ویڈیو سوشل میڈیا پر وائرل ہو گئی-

پولیس کا کہنا ہے کہ طیارے میں چھ لوگ سوار تھے اور ایک کی موت ہو گئی۔ لیریڈو پولیس ڈپارٹمنٹ کے تفتیش کار جوزے بیزا کے مطابق، طیارہ رات 10 بجے کے بعد گرا۔

انہوں نے کہا کہ ہائی وے، لوپ 20 پر گاڑیوں میں سوار لوگوں کے زخمی ہونے کی فوری کوئی اطلاع نہیں ملی۔ دونوں سمتوں میں لوپ بند کر دی گئی۔

آن لائن پوسٹ کیے گئے ویڈیو میں طیارے کو اس کی پہلو والی پوزیشن میں ہائی وے کی باڑ سے ٹکرا کر گرا ہوا دکھایا گیا ہے۔

زیرا گارزا، جو ایک ایستھیشین ہیں، اپنے ساتھیوں کو گھر چھوڑ رہی تھیں کہ وہ طیارے کے حادثے کے مقام پر پہنچ گئیں۔ انہوں نے منظر کے قریب پہنچتے ہوئے ویڈیو بنانا شروع کیا اور پھر اپنی گاڑی اس تباہ شدہ جیٹ کے سامنے روکی، جو آگ میں گھرا ہوا تھا۔

اس نے دیکھا کہ ہوائی جہاز کے اندر کوئی کاک پٹ کی کھڑکی توڑ کر باہر نکلنے کی کوشش کر رہا ہے۔ جلد ہی لوگ اپنی گاڑیوں سے باہر نکل آئے تاکہ باہر سے کھڑکی کو توڑنے کی کوشش کر سکیں۔

گارزا کے شوہر نے مدد کے لیے اپنی گاڑی سے چھلانگ لگائی اور پھر گارزا نے دیکھا کہ ہوائی جہاز کا دروازہ کھل گیا۔ اس نے کہا کہ تین لوگ جو بظاہر نوعمر لگ رہے تھے باہر نکلے، اور ان کے پیچھے کوئی ایسا شخص آیا جو پائلٹ لگ رہا تھا۔ عملے کا ایک اور رکن ایک ایسے شخص کو ہوائی جہاز سے باہر نکالنے کی کوشش کر رہا تھا جو بظاہر بے ہوش لگ رہا تھا۔

گارزا نے کہا کہ "یہ سب کسی فلم کا حصہ لگ رہا تھا۔ میں صدمے میں تھی”

اس نے کہا کہ "جو چیز مجھے سب سے زیادہ فکر مند کر رہی تھی وہ آگ تھی۔ میں پریشان تھی کہ یہ کسی بھی وقت پھٹ سکتا ہے۔”