براڈ پیک پر برفانی تودے کی زد میں آنے والے تمام 10 کوہ پیماؤں کی موت کی تصدیق
پاکستان کے شمالی علاقے میں واقع دنیا کی 12ویں بلند ترین چوٹی براڈ پیک پر برفانی تودے کی زد میں آ کر معروف کوہ پیما اور سابق برطانوی فوجی نرمل پرجا سمیت تمام 10 کوہ پیماؤں کی ہلاکت کی تصدیق کر دی گئی ہے۔
براڈ پیک پر برفانی تودہ گرنے کے نتیجے میں 10 کوہ پیماؤں کی ہلاکت کی تصدیق کرتے ہوئے ان کی کمپنی ایلیٹ ایکسپیڈیشنز نے سوشل میڈیا پر جاری ایک بیان میں کہا کہ ’گہرے دکھ اور صدمے کے ساتھ اس بات کی تصدیق کی جاتی ہے کہ نرمل پرجا جمعرات کو برفانی تودہ گرنے کے حادثے میں ہلاک ہو گئے۔‘
کمپنی نے یہ بھی کہا ہے کہ ’مہم میں شامل دیگر نو ارکان بھی ہلاک ہو گئے ہیں۔‘
قبل ازیں پاکستان میں الپائن کلب کے حکام نے کہا تھا کہ 10 رکنی مہم جوئی ٹیم میں شامل تین کوہ پیماؤں کی لاشیں برآمد کر لی گئی ہیں۔
ان میں امریکہ سے تعلق رکھنے والی میلوری گائس، عمان کی نادیرا احمد عبداللہ الحارثی اور نیپال کے پور بہادر گورونگ شامل تھے۔
نیپال میں پیدا ہونے والے نرمل پرجا 2019 میں دنیا کی 14 بلند ترین چوٹیوں کو صرف چھ ماہ سے کچھ زیادہ عرصے میں سر کرنے کی وجہ سے عالمی شہرت حاصل کر چکے تھے۔
