بلاول نے خان کو طعنہ دے دیا

Reading Time: < 1 minute

میرپورماتھیلو: چیئرمین پیپلزپارٹی بلاول بھٹو زرداری نے کہا ہے کہ عمران خان نے کہا وہ ہمیں ووٹ نہیں دیں گے لیکن انہوں نے سینیٹ میں ڈپٹی چیئرمین کے لیے ہمیں ووٹ دیا اور ابھی تو ان کے انگوٹھے سے ہماری انک تک نہیں سوکھی ۔

میرپورماتھیو میں میڈیا سے گفتگو کرتے ہوئے بلاول بھٹو زرداری نے کہا کہ عمران خان منافقت اور جھوٹ کی سیاست کرتے ہیں، انہوں نے کہا کہ پیپلزپارٹی کو ووٹ نہیں دیں گے لیکن سینیٹ میں ڈپٹی چیئرمین کے لیے ہمیں ووٹ دیا اور ابھی عمران خان کے انگوٹھے سے ہماری انک تک نہیں سوکھی۔

ایک سوال کے جواب میں بلاول بھٹو کا کہنا تھا کہ کراچی کی میئر شپ اور میٹرو پولیٹن کارپوریشن ایم کیوایم کے پاس ہے، مراد علی شاہ نے ایم کیوایم کی مخالفت کے باوجود کراچی کو اونر شپ دی، اب ایم کیوایم والے آپس میں لڑ رہے ہیں کوئی کام نہیں کر رہے، وہ خود کچھ کرتے ہیں نہ کرنے دیتے ہیں۔