صحافی کی باقیات مل گئیں

Reading Time: < 1 minute

استنبول کے سعودی قونصلیٹ میں قتل کئے گئے صحافی جمال خاشقجی کی باقیات مل گئی ہیں ۔ مغربی ذرائع ابلاغ نے استنبول میں موجود اپنے رپورٹرز کے حوالے سے دعوی کیا ہے کہ ترک حکام نے نعش کا سراغ لگا لیا ہے ۔

امریکی اور برطانوی ٹی وی چینلز کے مطابق جمال خاشقجی کی نعش کے ٹکڑے سعودی قونصل جنرل کی رہائش گاہ کے باغ سے ملے ہیں ۔ دعوی کیا گیا ہے کہ ترک پولیس اور انٹیلی جنس نے نعش کی باقیات دریافت کر لی ہیں اور مارے جانے کے بعد خاشقجی کا چہرہ مسخ کیا گیا تھا ۔