بارڈر پر پہنچنے والا پہلا جوڑا؟
پاکستانی فضائیہ کی جانب سے انڈین لڑاکا طیارہ گرانے اور پائلٹ کو گرفتار کرنے کے بعد سوشل میڈیا مختلف شعبہ ہائے زندگی سے تعلق رکھنے والے افراد اپنے خیالات کا اظہار کر رہے ہیں ۔
ایسے میں پاکستان کے وفاقی وزیر برائے آبی وسائل فیصل ووڈا اور ٹی وی اینکر سعدیہ افضال کی گرائے گئے انڈین طیارے کے ملبے کے ساتھ تصاویر وائرل ہوئی ہیں اور صارفین دلچسپ تبصرے کر رہے ہیں ۔
اینکر و تجزیہ کار اعجاز حیدر نے فیصل ووڈا کو مخاطب کر کے لکھا ہے کہ دوسرے کے شکار پر اترانے والے گدھ اور مردار خور ہوتے ہیں، یہ شکار ائرفورس نے کیا ہے ان کو کریڈٹ لینے دیں ۔
اینکر سعدیہ افضال نے طیارے کے ملبے کے ساتھ لی گئی اپنی تصویر ٹویٹ کر کے لکھا ہے کہ ’یہ لو انڈیا؛ ۔ اس تصویر کو ری ٹویٹ کر کے صحافی مہرین زہرا ملک نے لکھا ہے کہ ”اس (لڑکی) کو لے لو؛۔
ایم رضا کے نام سے ٹوئٹر ہینڈل سے فیصل ووڈا اور سعدیہ افضال کی تصاویر ٹویٹ کر کے لکھا گیا ہے کہ ”جب پوری قوم سو رہی ہوتی ہے تو بارڈر پر ایک جوڑا جاگ رہا ہوتا ہے، قوم اس جوڑے کا احسان کیسے اتارے گی؟ اپنے محافظوں کو پہچانو۔؛
