لاک ڈاؤن توڑتے سینکڑوں شہریوں کا مظاہرہ
پاکستان کے صوبے خیبر پختونخوا کے ضلع مردان میں کورونا لاک ڈاؤن کے خلاف سینکڑوں مشتعل شہری باہر نکل آئے۔
کورونا سے پاکستان میں ہونے والی پہلی ہلاکت والے گاؤں منگاہ میں مکینوں نے جبری لاک ڈاون ختم کرتے ہوئے حکومت کے خلاف مظاہرہ کیا۔
مردان پولیس کے مطابق مشتعل افراد گھروں سے نکل آئے جن کو روکنے کے لیے بھاری نفری موقع پر پہنچی۔
عوام کے مشتعل ہونے کی وجہ روزمرہ اشیا کا ناپید ہونا بتایا جاتا ہے۔
مردان کے علاقے مسلم اباد کے مکینوں نے سہولیات نہ ہونے کی بنا لاک ڈاؤن ختم کیا اور کہا کہ بدھ سے گھروں میں قید کردیا ہے کوئی سہولت نہیں دی گئی۔
مظاہرین کا کہنا تھا کہ ہم مزدور لوگ ہیں نہ راشن دیا جارہا ہے اور نہ مزدوری کیلئے باہر نکلنے کی اجازت دی جارہی ہے۔
