پاکستان میں وائرس پھیلنے کے نئے ریکارڈ

پاکستان میں حکام نے تصدیق کی ہے کہ ملک میں گزشتہ 24 گھنٹوں کے دوران کورونا وائرس کے ایک ہزار 764 نئے کیسز سامنے آئے ہیں اور 35 ہلاکتیں ہوئی ہیں۔

سرکاری اعداد وشمار کے مطابق یہ ایک دن میں اب تک مثبت آنے والے کورونا ٹیسٹ کی سب سے بڑی تعداد ہے۔

35 نئی ہلاکتوں کے بعد ملک میں اموات کی تعداد 594 تک پہنچ گئی ہے۔

سرکاری اعداد وشمار کے مطابق پاکستان میں اب تک 25 ہزار 837 کورونا ٹیسٹ مثبت آ چکے ہیں جن میں سے سات ہزار 530 مریض صحت یاب ہوئے جبکہ 594 کی ہلاکت ہوئی۔ اس وقت ملک بھر میں 17 ہزار 713 افراد کورونا وائرس کا شکار ہیں۔

خیبر پختونخوا میں 209، پنجاب میں 183، سندھ میں 171، بلوچستان میں 24، اسلام آباد میں چار اور گلگت بلتستان میں تین مریض ہلاک ہو چکے ہیں۔

پنجاب میں اب تک دس ہزار سے زائد جبکہ سندھ میں نو ہزار سے زائد کورونا ٹیسٹ مثبت آ چکے ہیں۔