ڈونلڈ ٹرمپ کو پارٹی سینیٹرز نے مواخذے سے بچا لیا
Reading Time: 2 minutesسابق امریکی صدر ڈونلڈ ٹرمپ کو ان کی پارٹی ری پبلکن کے سینیٹرز نے دوسری بار بھی مواخذے سے بچا لیا ہے۔
سنیچر کو امریکی سینیٹ نے سابق صدر ٹرمپ کو کیپیٹل ہل میں ہنگامہ آرائی اور ہجوم کو اشتعال دلانے کے الزامات سے بری کر دیا۔
سابق صدر پر چھ جنوری کو کیپٹل ہل پر ہنگامہ آرائی اور ہجوم کو بغاوت پر اکسانے کے الزامات عائد کیے گئے تھے اور ان کے مواخذے کی کارروائی شروع کی گئی تاہم وہ مقدمے سے بری کر دیے گئے ہیں۔
امریکی سینیٹ ان پر الزامات ثابت کرنے اور ان کے خلاف مواخذے کی کارروائی کرنے میں دو تہائی اکثریت حاصل کرنے میں ناکام رہی ہے۔
صدر ٹرمپ کو سزا دلوانے کے لیے کل 67 ووٹوں کی ضرورت تھی تاہم دس ووٹوں کی کمی سے انھیں الزامات سے بری کر دیا گیا ہے۔
امریکی ایوان نمائندگان میں سات ریبپلکن سینٹرز سمیت 57 سینیٹرز نے انھیں سزا دینے کے حق میں ووٹ دیا جبکہ 43 سینیٹرز نے اس کے خلاف ووٹ ڈالا۔
اپنی بریت کے بعد، سابق صدر ڈونلڈ ٹرمپ نے ایک بیان جاری کرتے ہوئے اس مقدمے کی مذمت کی اور کہا کہ ‘ یہ تاریخ کی سب سے بڑی الزام تراشی ہے۔’
واضح رہے کہ یہ ڈونلڈ ٹرمپ کے خلاف مواخذے کا دوسرا مقدمہ تھا۔ اگر انھیں سزا مل جاتی تو امریکی سینیٹ انھیں دوبارہ صدارتی انتخاب لڑنے سے روکنے کے لیے ووٹ دے سکتی تھی۔
ٹرمپ کے خلاف مواخذے کے مقدمے کی کارروائی میں ووٹنگ کے عمل کے بعد کانگریس میں ریپبلکن کے سنیئر رکن سینیٹر مچ میک کونل کا کہنا تھا کہ ‘مسٹر ٹرمپ کیپیٹل پر حملے کے لیے ‘ذمہ دار’ تھے۔’ انھوں نے اسے ایک’شرمناک اور رسوائی والی پامالی’ قرار دیا ۔
قبل ازیں انھوں نے ان کی سزا کے خلاف یہ کہتے ہوئے ووٹ دیا تھا کہ یہ غیر آئینی ہے اور ٹرمپ اب صدر نہیں رہے ہیں۔ میک کونل صدر ٹرمپ کے 20 جنوری کو عہدہ چھوڑنے کے تک ان کے مقدمے کی سماعت میں تاخیر کرنے میں معاون تھے۔ تاہم انھوں نے خبردار کیا تھا کہ ٹرمپ کو تاحال عدالت میں قصور وار ٹھہرایا جا سکتا ہے۔
ان کا کہنا تھا کہ ‘ وہ ابھی بھی کسی چیز سے بچے نہیں ہیں، ہمارے ملک میں انصاف و عدالت کا نظام موجود ہے۔ ہماری ملک میں دیوانی مقدمات کا نظام ہے اور سابقہ صدور اس میں سے کسی کے لیے جوابدہ ہونے سے مستثیٰ نہیں ہیں۔’
اپنے اختتامی بیانات میں، ڈیموکریٹک ایوان نمائندگان کے سینیٹ کے ذریعہ اس عمل کی نگرانی کے لیے مقرر قانون سازوں نے متنبہ کیا ہے کہ مسٹر ٹرمپ کو بری کردینا خطرناک ہوگا۔
نمائندہ جو نیگوس کا کہنا تھا کہ ‘ اس سے زیادہ خراب صورتحال نہیں ہو سکتی کیونکہ سخت اور تلخ حقیقت یہ ہے کہ چھ جنوری کو جو ہوا وہ دوبارہ بھی ہوسکتا ہے۔’
نمائندے میڈیلین ڈین نے کہا ،’تاریخ نے ہمیں ڈھونڈ لیا ہے۔ میں پوچھتا ہوں کہ آپ دوسری طرح سے کیوں نہیں دیکھتے۔’
دوسری جانب ڈونلڈ ٹرمپ کے وکیل مائیکل وین ڈیر وین نے مواخذے کی کارروائی کو ‘شو ٹرائل’ قرار دیا اور کہا کہ ڈیموکریٹس ٹرمپ کا مواخذہ کرنے کے جنون میں تھے۔
انھوں نے کہا کہ ‘یہ مواخذہ شروع سے آخر تک ایک فضول ڈرامہ رہا ہے۔ یہ سارا تماشا حزب اختلاف کی پارٹیکی طرف سے مسٹر ٹرمپ کے خلاف دیرینہ سیاسی انتقامی جدوجہد کے سوا کچھ نہیں رہا۔’
