کوئٹہ کے فائیو سٹار ہوٹل میں کار بم دھماکہ، پانچ ہلاک
بلوچستان کے دارالحکومت کوئٹہ کے فائیو سٹار ہوٹل سیرینا کی پارکنگ میں دھماکے سے گیارہ افراد زخمی جبکہ پانچ ہلاک ہوئے۔
مرنے والوں میں ایک پولیس اہلکار، ہوٹل کا ڈیوٹی مینیجر شاہ زیب یوسفزئی، ہوٹل کے تین سکیورٹی گارڈ شامل ہیں۔
وفاقی وزیر داخلہ شیخ رشید نے کہا ہے کہ چین کے سفیر ہوٹل میں ٹھہرے ہوئے ہیں تاہم دھماکے کے وقت موجود نہیں تھے۔
انہوں دھماکے کی مذمت کرتے ہوئے صوبے کے چیف سیکرٹری سے رپورٹ طلب کی ہے۔
کوئٹہ کے صحافی جعفر خان کاکڑ کے مطابق پانچ افراد دھماکے میں مارے گئے۔
Powerful blast took place inside Serena Hotel #QUETTA: Five people were killed in a blast & several others are critically injured. @a_siab @Xadeejournalist#Quettablast pic.twitter.com/0nQ90T0Mhm
— Jaffar Khan kakar (@Jaffar_Journo) April 21, 2021
عینی شاہدین اور دھماکے کی ویڈیوز کے مطابق علاقے میں آگ دیکھی گئی جبکہ ایمبولینسوں کو ہوٹل میں جاتے دیکھا گیا۔
ادھر وزیر داخلہ شیخ رشید احمد نے سیرینا ہوٹل کوئٹہ میں دھماکے کی مذمت کرتے ہوئے چیف سیکرٹری بلوچستان سے واقعے کی رپورٹ طلب کی ہے۔
انہوں نے دھماکے میں قیمتی جانوں کے ضیاع پر رنج اور افسوس کا اظہار کیا ہے۔
اطلاعات کے مطابق جس وقت دھماکہ ہوا ہوٹل میں چین کا ایک وفد بھی موجود تھا۔
