فوجی کیمپ پر حملے میں تین ہلاک

Reading Time: < 1 minute

بھارت کے زیر انتظام کشمیر ميں فوجی کیمپ پر علی الصبح مسلح افراد نے حملہ کیا جس میں ایک افسر سمیت تین فوجی اہلکار ہلاک ہو گئے۔ فوجی ترجمان کرنل راجیش کالیا کے مطابق لائن آف کنٹرول کے قریب ضلع کپوارہ میں پنزگام کیمپ پر حملے کے بعد جوابی کارروائی میں دو حملہ آور بھی مارے گئے۔ اطلاعات کے مطابق حملے میں پانچ فوجی شدید طور پر زخمی بھی ہوئے ہیں۔ فوج نے یہ واضح نہیں کیا ہے کہ حملہ آوروں کی تعداد کتنی تھی۔