مہمند میں پانی کی کنکریٹ ٹینکی گرنے سے سات بچے ہلاک

Reading Time: < 1 minute

ضلع مہمند کی تحصیل امبار کے علاقہ گمبتے میں پانی کی بڑی کنکریٹ ٹینکی گرنے سے سات بچے ہلاک جبکہ ایک زخمی ہو گیا۔ وزیراعلیٰ خیبر پختونخوا نے واقعہ پر افسوس و دکھ کا اظہار کیا ہے۔
ریسکیو1122 کے مطابق مہمند میں کنٹرول روم کو کال موصول ہوتے ہی ریسکیو اور میڈیکل ٹیم روانہ کر دی گئی۔

ابتدائی اطلاع کے مطابق بچے واٹر ٹینک کے نیچے کھیل میں مصروف تھے، ریسکیو 1122 میڈیکل ٹیم نے زخمی بچے کو موقع پر ابتدائی طبی امداد فراہم کی۔
ریسکیو1122 کے مطابق حادثے میں مرنے والے بچوں کے نام ریحان ولد قمندان 12 سال، عماد اللہ ولد قمندان 6سال، فرمان اللہ ولد فارس حان 8 سال، نفیسہ دحتر حکیم 8 سال، وجھیہ دحتر حکیم 6سال، مروہ دحتر حکیم 4 سال اور منیبہ دحتر گلبدین 5سال ہے۔
زحمی بچے کا نام فہد ولد قمندان ہے۔