افغان فوج اور طالبان کی لڑائی میں عالمی ایوارڈ یافتہ صحافی ہلاک
Reading Time: < 1 minuteافغانستان کے علاقے سپین بولدک میں فوج اور طالبان کی لڑائی میں خبر رساں ادارے روئٹرز سے وابستہ انڈین فوٹو جرنلسٹ دانش صدیقی ہلاک ہو گئے ہیں۔
دانش صدیقی کو ان کے فیچرز اور تصاویر پر پلٹزر ایوارڈ سمیت کئی اعزازات ملے تھے.
انڈیا میں افغان سفیر فرید ماموند زئی نے بتایا ہے کہ ’دانش صدیقی قندھار میں فرنٹ لائن پر رپورٹنگ کرتے ہوئے ہلاک ہو گئے ہیں۔‘
افغان نیوز چینل طلوع نیوز کے مطابق دانش صدیقی گزشتہ چند روز سے جنوبی افغانستان کے ضلع قندھار میں طالبان کی پیش قدمی اور افغان فورسز کی کارروائیوں کی منظرکشی کر رہے تھے۔
صحافی دانش صدیقی کا تعلق انڈیا کے شہر ممبئی سے تھا اور وہ گزشتہ کئی برس سے برطانوی خبر رساں ادارے روئٹرز سے وابستہ تھے۔
دانش صدیقی افغانستان کی سپیشل فورسز کے ساتھ سفر کر رہے تھے.
THREAD.
Afghan Special Forces, the elite fighters are on various frontlines across the country. I tagged along with these young men for some missions. Here is what happened in Kandahar today while they were on a rescue mission after spending the whole night on a combat mission. pic.twitter.com/HMTbOOtDqN— Danish Siddiqui (@dansiddiqui) July 13, 2021
