کراچی: فیکٹری میں آتشزدگی سے 13 کارکن زندہ جل گئے

Reading Time: < 1 minute

پاکستان کے ساحلی شہر کراچی کے صنعتی علاقے میں رہائشی پلاٹ پر بنائی گئی فیکٹری میں آگ لگنے سے مرنے والے افراد کی تعداد 13 ہو گئی جن میں دوسگے بھائی بھی شامل ہیں۔

ریسکیو حکام کے مطابق لواحقین کی بڑی تعداد فیکٹری کے باہر موجود ہے جبکہ فیکٹری کے دروازے اور کھڑکیاں بند تھے۔

حکام کے مطابق ایک ریکسیو اہلکار فیکٹری کی دوسری منزل سے گر کر زخمی ہوا۔ فائر برگیڈ نے اسنارکل کی مدد سے کھڑکی کو توڑنے کی کوشش کی، شیشے لگے ہونے کے باعث اندر جانے میں ریسکیو اہلکاروں کو مشکلات کا سامنا کرنا پڑا۔

ریسکیو اہلکاورں کے مطابق فیکٹری میں داخلے کا راستہ صرف ایک ہے اور ایک ہی باہر آنے کا ہے،چھت کا دروازہ بھی بند تھا۔

سندھ کے وزیراعلیٰ مراد علی شاہ نے واقعہ کا نوٹس لیتے ہوئے حکام سے رپورٹ طلب کر لی ہے۔