برطرف 16 ہزار سرکاری ملازمین مشروط طور پر بحال

پاکستان کی سپریم کورٹ نے برطرف کیے گئے 16 ہزار ملازمین کو مشروط طور پر ملازمتوں پر بحال کیا ہے۔

جمعے کو فیصلے پر نظرثانی درخواستوں کا محفوظ فیصلہ سناتے ہوئے عدالت نے قرار دیا کہ گریڈ 1 سے گریڈ سات تک کے تمام ملازمین کو نوکریوں پر بحال کر دیا جائے جبکہ گریڈ آٹھ سے گریڈ 17 تک کے ملازمین سے محکمانہ ٹیسٹ لیا جائے۔

سپریم کورٹ کے فیصلے سے ایک نئی بحث شروع ہو گئی ہے کہ جب عدالتی فیصلے پر نظرثانی درخواستیں مسترد کر دی گئیں اور جس قانون کے تحت ملازمتیں دی گئیں اور غیرقانونی ہے تو سوموٹو کے تحت عدالتی فیصلے کو کیسے ختم کر دیا گیا۔