سری لنکا میں فسادات پر اقوام متحدہ مضطرب، مستعفی وزیراعظم کا گھر نذر آتش

Reading Time: < 1 minute

سری لنکا میں فسادات پر اقوام متحدہ نے اضطراب ظاہر کیا ہے جبکہ مستعفی وزیراعظم کا گھر نذر آتش کیے جانے کے بعد فوج نے ان کو حفاظتی تحویل میں لے لیا ہے.

سری لنکا کے درالحکومت کولمبو میں حکومت مخالف پُرتشدد مظاہروں کے دوران پانچ ہلاکتوں کے بعد صورتحال کشیدہ ہے.

منگل کو فوج کے دستے سڑکوں پر گشت کرتے دیکھے گئے جن کو گزشتہ روز کے پُرتشدد مظاہروں کے بعد طلب کیا گیا تھا۔

پیر کو حکومت کے حامیوں اور مظاہرین کے درمیان پرتشدد جھڑپوں کے بعد سری لنکا کے وزیراعظم مہندا راجا پاکشے نے استعفٰی دے دیا تھا۔

خیال رہے کہ تین ماہ سے جاری معاشی بحران کے باعث اشیا کی قلت اور مہنگائی کے شکار لوگ سڑکوں پر نکل آئے تھے جن پر حکومت کے حامی افراد نے حملے کیے۔