امریکہ میں نسل پرستی کا ایک اور واقعہ، 10 سیاہ فام شہری قتل

Reading Time: < 1 minute

امریکہ کے شہر نیویارک میں ایک 18 سالہ لڑکے نے فائرنگ کر کے کم از کم دس افراد کو ہلاک کر دیا ہے۔

خبر رساں ادارے ایسوسی ایٹڈ پریس کے مطابق پولیس نے کہا ہے کہ اہلکاروں کے سامنے ہتھیار ڈالنے سے پہلے مسلح لڑکے نے مصروف مارکیٹ میں11 سیاہ فام شہریوں کو فائرنگ سے ہلاک کیا۔

پولیس کا کہنا ہے کہ سفید فام مسلح شخص جس نے حملے کے دوران فوجی طرز کا لباس پہنا ہوا تھا، نے کم از کم دو منٹ کے لیے سٹریمنگ پلیٹ فارم ٹوئچ پر لائیو شوٹنگ دکھائی۔

پولیس کے مطابق مسلح شخص رائفل کے ساتھ سپر مارکیٹ میں داخل ہوا تھا اور سٹور میں موجود لوگوں پر فائرنگ کی۔
سنیچر کی دوپہر کو یہ واقعہ نیویارک کے علاقے بفلیو کے ایک سپر مارکیٹ میں ہوا۔

اس واقعے میں تین افراد زخمی بھی ہوئے ہیں۔

پولیس نے واقعے کو نسل پرستی قرار دیا ہے۔ قانون نافذ کرنے والے حکام کا کہنا ہے فائرنگ کرنے والے شخص کو گرفتار کیا گیا ہے۔ ملزم نیویارک کے علاقے نکلین کا رہائشی تھا۔

پولیس نے مزید بتایا کہ مسلح شخص نے سپر سٹور کے باہر چار افراد کو گولی ماری، تین افراد موقعے پر ہلاک ہوئے۔
شاپنگ مال کے محافظ نے حملہ آور کو روکنے کی کوشش میں جان دی۔