سوشل میڈیا پر ضابطہ اخلاق کی خلاف ورزی، ارشد شریف برطرف

Reading Time: < 1 minute

پاکستان کے نجی نیوز اے آر وائی نے اینکر ارشد شریف کو برطرف کرنے کا اعلان کیا ہے۔

بدھ کو نیوز چینل کی جانب جاری بیان میں کہا گیا ہےکہ ‘اے آر وائی نیٹ ورک کے ضابطہ اخلاق کے مطابق ملازم کی سوشل میڈیا پوسٹ کمپنی کی پالیسی کے مطابق ہونی چاہیے۔ اس لیے ہم اعلان کرتے ہیں کہ ہم نے ارشد شریف سے علیحدگی اختیار کر لی ہے۔

قبل ازیں چینل کے مالک کی جانب سے کئی بار سوشل میڈیا پر اپنے اینکر کے ٹویٹس کو سراہتے ہوئے اُن کے ساتھ کھڑے رہنے کا عزم ظاہر کیا گیا تھا۔

ارشد شریف کے خلاف کئی مقدمات درج ہیں اور وہ پاکستان سے فرار ہو کر دبئی میں ہیں۔