بڑے کاروبار تو فوج کے، پھر نیب قانون سے باہر کیوں؟ جسٹس منصور شاہ
Reading Time: < 1 minuteپاکستان کی سپریم کورٹ کے جسٹس منصور علی شاہ نے کہا ہے کہ افواج پاکستان کو نیب قانون کی دسترس سے باہر کیوں رکھا گیا ہے؟
سپریم کورٹ میں نیب قانون میں ترمیم کے خلاف تحریک انصاف کی درخواست پر سماعت کے دوران جسٹس منصور علی شاہ نے کہا کہ ملک میں سب سے بڑے کاروبار تو فوج کے ہیں۔
بدھ کو چیف جسٹس عمر عطا بندیال کی سربراہی میں تین رکنی خصوصی بینچ نے درخواست کی سماعت کی۔
جسٹس منصور علی شاہ کا کہنا تھا کہ افواج پاکستان کو نیب قانون سے باہر کیوں رکھا گیا ہے، سارے بڑے کاروبار تو انھیں کے ہیں۔
جسٹس منصور علی شاہ نے کہا کہ حیرت ہے تحریک انصاف نے فوج کو نیب قانون کی دسترس سے باہر رکھنے پر اعتراض نہیں اٹھایا۔
Array
