نیپال میں مسافر طیارے کو حادثے کے بعد آگ لگ گئی، 72 ہلاک

Reading Time: < 1 minute

نیپال کے نئے پوکھارا ایئرپورٹ کے رن وے کے قریب ایک مسافر طیارے کو حادثہ پیش آیا ہے۔

مقامی یاتی ایئر لائن کے حکام کے مطابق طیارے میں 68 مسافر اور عملے کے چار افراد سوار تھے۔

جائے حادثہ پر امدادی کارروائیوں میں تمام مسافروں کے ہلاک ہونے کی تصدیق کی گئی ہے۔

حادثہ نیپال کے مرکزی علاقے میں پرانے اور نئے ایئرپورٹ کے درمیان پیش آیا۔

سوشل میڈیا پر وائرل ویڈیو میں جہاز کو اچانک ایک طرف قلابازی کھاتے دیکھا جا سکتا ہے.