امریکہ کی مشی گن یونیورسٹی میں فائرنگ سے تین ہلاک، پانچ زخمی

Reading Time: < 1 minute

امریکہ کی مشی گن سٹیٹ یونیورسٹی میں ایک مسلح شخص نے تین افراد کو گولی مار کر ہلاک اور پانچ کو زخمی کر دیا ہے

پولیس نے مطابق مشتبہ حملہ آور نے بعد ازاں خود کو بھی گولی مار کر خودکشی کر لی۔

حملہ آور نے پیر کی رات ایک تعلیمی عمارت – برکی ہال – اور ایسٹ لانسنگ کیمپس میں طلبہ کی یونین پر فائرنگ کی۔

پولیس نے بتایا کہ بندوق بردار، جسے سیاہ فام بتایا گیا ہے، نے فرار ہونے کے بعد خود کو گولی مار کر ہلاک کر لیا۔

کیمپس پولیس نے ٹویٹر پر بتایا کہ تین ہلاکتوں کی تصدیق ہوئی ہے۔ یہ ان پانچ متاثرین کے علاوہ ہے جنہیں ہسپتال منتقل کیا گیا ہے۔

طلبہ کو کیمپس میں گھنٹوں محفوظ جگہ پر پناہ لینے کا حکم دیا گیا تھا۔

متاثرہ یونیورسٹی کیمپس میں تقریباً 50,000 طلبہ پڑھتے ہیں اور یہ ڈیٹرائٹ شہر سے 145 کلومیٹر (90 میل) شمال مغرب میں واقع ہے۔

کیمپس پولیس ڈیپارٹمنٹ کے عبوری نائب سربراہ کرس روزمین نے کہا: میں صرف متاثرہ افراد کے جذبات کا تصور کر سکتا ہوں جو اس وقت سانحے سے گزر رہے ہیں۔ ہم اپنے کیمپس اور اپنے تمام طلباء کی حفاظت کو یقینی بنانے کے لیے ہر ممکن کوشش کر رہے ہیں۔