نامعلوم افراد کی فائرنگ، مولانا مسعود الرحمان عثمانی اسلام آباد میں قتل

Reading Time: < 1 minute

سنی علما کونسل پاکستان کے ڈپٹی سیکریٹری جنرل مولانا مسعود الرحمان عثمانی کو اسلام آباد میں نامعلوم افراد نے فائرنگ کر کے قتل کر دیا ہے۔

اسلام آباد پولیس کے مطابق فائرنگ کا یہ واقعہ جمعے کو تھانہ کھنہ کی حدود میں غوری ٹاؤن میں پیش آیا۔

پولیس نے اپنے بیان میں مولانا مسعود الرحمان کے گولیاں لگنے کے بعد جان سے گزر جانے کی تصدیق کی اور بتایا کہ ایک اور شخص بھی زخمی ہے۔

سنی علما کونسل کے ترجمان نے بھی مولانا مسعود الرحمان کی موت کی تصدیق کی ہے۔

پولیس کا کہنا ہے کہ ’جائے واردات پر پولیس کی بھاری نفری موجود ہے جبکہ سی سی ٹی وی کیمروں کی مدد سے ملزمان کی تلاش جاری ہے۔‘

تنظیم کے مقامی رہنماؤں نے اسلام آباد پولیس اور اُس کے سربراہ کی کارکردگی پر سخت تنقید کی ہے۔