وزیراعلی خیبر پختونخوا سمیت 12 ملزمان کے وارنٹ گرفتاری جاری
Reading Time: < 1 minuteراولپنڈی کی انسداد دہشت گردی عدالت نے 9 مئی کو جلاؤ گھیراؤ کرنے کے مقدمات کی سماعت کے بعد وزیراعلی خیبر پختونخوا سمیت 12 ملزمان کے وارنٹ گرفتاری جاری کیے ہیں۔
منگل کو سماعت کے اختتام پر عدالت نے ملزمان کو دو اپریل کو گرفتار کر کے پیش کرنے کا حکم دیا ہے۔
اُن ملزمان کو صداقت عباسی، واثق قیوم عباسی اور عمر تنویر بٹ کے 164 کے بیانات کی روشنی میں مقدمات میں نامزد کیا گیا تھا۔
ملزمان کے خلاف 164 کے بیانات 17 جنوری کو ریکارڈ کروائے گئے تھے۔
جن ملزمان کے وارنٹ گرفتاری کیے گئے اُن میں علی امین گنڈاپور، شہباز گل، مسرت جمشید چیمہ، مراد سعید، شبیر اعوان، شیریں مزاری اور شبلی فراز شامل ہیں۔
ملزمان کے خلاف 9 مئی کا مقدمہ تھانہ سٹی راولپنڈی میں درج ہے۔
ملزمان کے وارنٹ گرفتاری ایس ایچ او تھانہ سٹی افتاب احمد کی استدعا پر جاری کیے گئے.
ملزمان کر ساتھیوں کے ہمراہ میٹرو بس اسٹیشن، 15 آفس اور سرکاری املاک کو نقصان پہنچانے کا الزام ہے.
کیس کی سماعت انسداد دہشت گردی عدالت کے جج ملک اعجاز آصف نے کی.
