ایمان مزاری اور ہادی علی کی گرفتاری ہائیکورٹ میں پیش ہونے کے لیے روک دی گئی
اسلام آباد ہائیکورٹ نے ایڈووکیٹ ایمان مزاری اور ایڈوکیٹ ہادی علی چٹھہ کو ایک دن کی ضمانت دیتے ہوئے اسلام آباد پولیس کو اُن کی گرفتاری سے روک دیا ہے۔
پیر کو اسلام آباد ہائیکورٹ کے جسٹس محمد اعظم نے جج مجوکہ کے حکم کے خلاف درخواست کی سماعت کی۔
عدالتی حکم کے مطابق ایڈوکیٹ ایمان مزاری اور ایڈوکیٹ ہادی علی چٹھہ کو منگل کی صبح جسٹس اعظم خان کی عدالت میں پیش ہونا ہے۔
ایڈوکیٹ کامران مرتضیٰ نے جج مجوکہ کے حکم کے خلاف اپیل کنندگان کی طرف سے دلائل دیے۔
دوسری جانب سیشن جج افضل مجوکہ نے ٹرائل کورٹ میں پولیس کو ملزمان کی عدم گرفتاری پر ڈانٹ پلائی۔
جج افضل مجوکہ نے سنیچر کے روز وارنٹ گرفتاری جاری کر کے ایمان مزاری اور ہادی علی چٹھہ کو پولیس یا این سی سی آئی اے کو اُن کو اپنے پاس رکھنے اور ویڈیو لنک کے ذریعے عدالت میں پیش کرنے کے لیے کہا تھا۔
دونوں نے جج مجوکہ کے فیصلے کو معطل کرنے کے لیے ہائیکورٹ سے رجوع کیا تھا۔
