کینیڈین صوبے اونٹاریو کے گورنر نے 29 ملین ڈالر کا طیارہ خرید لیا، سیاسی بحث شروع

نورالامین دانش، کینیڈا

کینیڈا کے صوبے اونٹاریو کی حکومت نے سرکاری استعمال کے لیے ایک استعمال شدہ بزنس جیٹ خریدنے کی تصدیق کی ہے، جس کی مالیت تقریباً 28.9 ملین کینیڈین ڈالر بتائی جا رہی ہے۔

رپورٹس کے مطابق یہ طیارہ 2016 ماڈل Bombardier Challenger 650 ہے، جو سرکاری دوروں، طویل فاصلے کے سفر اور حکومتی آپریشنز کے لیے استعمال کیا جائے گا۔ حکومتی حکام کا کہنا ہے کہ یہ فیصلہ عملی ضروریات اور سرکاری سفری سہولت کو بہتر بنانے کے لیے کیا گیا ہے۔

یہ خریداری Doug Ford کی حکومت کے تحت سامنے آئی ہے، جس کے بعد سیاسی حلقوں میں اس کے اخراجات اور ترجیحات پر بحث شروع ہو گئی ہے۔
ناقدین سرکاری اخراجات میں شفافیت کا مطالبہ کر رہے ہیں، جبکہ حکومت کا مؤقف ہے کہ یہ مکمل طور پر سرکاری استعمال کے لیے ہے اور کسی ذاتی مقصد کے لیے نہیں۔

کینیڈا جیسے بڑے ملک میں صوبائی اور وفاقی سطح پر سرکاری سفر کے لیے ہوائی جہازوں کا استعمال عام سمجھا جاتا ہے، تاہم اس تازہ خریداری نے ایک نئی سیاسی بحث کو جنم دیا ہے-