بنگلہ دیش اور میانمار میں کشیدگی

بنگلہ دیش نے اپنے ہمسایہ ملک میانمار پر اپنی فضائی حدود کی خلاف ورزی کا الزام عائد کرتے ہوئے سخت احتجاج کیا ہے۔ بنگلہ دیش کی وزارتِ خارجہ کا کہنا ہے کہ جمعے کو میانمار کے ہیلی کاپٹر تین مرتبہ اس کی فضائی حدود میں داخل ہوئے۔ وزارتِ خارجہ کے مطابق یہ واقعات اس ہفتے کے دوران کئی بار پیش آ چکے ہیں۔

بنگلہ دیش کی جانب سے یہ احتجاج ایک ایسے وقت کیا گیا ہے جب میانمار کی مسلم اکثریتی ریاست رخائن سے پناہ کی خاطر بنگلہ دیش جانے والے روہنگیا مسلمانوں کی تعداد دن بی دن بڑھ رہی ہے ۔

اقوامِ متحدہ کے ایک اہلکار نے بتایا ہے کہ جمعے تک ایک ہفتے کے دوران 38 ہزار افراد سرحد عبور کر چکے ہیں۔