جج کا اوپن ٹرائل ہوگا ؟

سپریم کورٹ میں اسلام آباد ہائی کورٹ کے سینئر جج جسٹس شوکت عزیز صدیقی کی سپریم جوڈیشل کونسل کی ان کیمرہ کاروائی کے خلاف درخواست سماعت کے لیے مقرر کر دی گئی۔

چیف جسٹس ثاقب نثار نے اسلام آباد ہائی کورٹ کے جج کی درخواست پر سماعت کے لیے تین رکنی بینچ تشکیل دے دیا جس کی سر براہی جسٹس شیخ عظمت سعید کریں گے، تین رکنی بنچ میں جسٹس قاضی فائز عیسی اور جسٹس سجاد علی شاہ کو شامل کیا گیا ہے، جسٹس شوکت عزیز کے خلاف سپریم کورٹ جوڈیشل کونسل میں ریفرنس زیر سماعت ہے، معزز جج نے سپریم کورٹ میں دائر درخواست میں موقف اختیار کیا ہے کہ جوڈیشل کونسل میں ان کے خلاف جاری کارروائی کو ان کیمرہ کی بجائے اوپن کیا جائے، درخواست میں یہ موقف اختیار کیا گیا ہے کہ ان کی آئینی درخواست پر فیصلہ ہونے تک سپریم جوڈیشل کونسل کو کاروائی سے روک دیا جائے،سپریم کورٹ کا تین رکنی بینچ 18 اکتوبر کو جسٹس شوکت عزیز صدیقی کی درخواست پر سماعت کرے گا۔