امن و محبت کا شہر وفا

احساس/ اے وحید مراد
امریکی صدر ڈونلڈ ٹرمپ کے القدس (یروشلم) کو اسرائیل کا دارالحکومت تسلیم کرنے کے اعلان نے راکھ کا ڈھیر بنے مسلمانوں میں چنگاری تلاش کرنے کی کوشش کی ہے۔
مشرق سے مغرب اور شمال سے جنوب تک چھپن اسلامی ممالک کے سربراہوں اور دنیا میں بسنے والے ڈیڑھ ارب مسلمانوں کا ردعمل سامنے آ رہا ہے۔ قرضوں میں دبے اسلامی ملکوں کی حکومتوں کے کرتا دھرتا شاید ہی امریکا کو اس کے عزائم سے باز رکھنے میں کامیاب ہوسکیں اور عالمی استعمار کے خلاف احتجاج کرنے والے مسلمان اس بار بھی اپنی ہی املاک جلانے کے سوا شاید کوئی متاثرکن قدم اٹھا سکیں ۔ ایسے میں ہم جیسے لوگ اس شاعر کو یاد کرتے ہیں جو اگر زندہ ہوتا ہے تو اپنے قلم کو ایک بار پھر لاٹھی بنا کر فلسطین کے سینے پر خنجر چلانے والے اسرائیل کے سر پر دے مارتا۔
اس عرب شاعر کا نام نظار قابانی تھا جو پیدا شام کے شہر دمشق میں ہوا تھا اور جس نے اپنی آنکھیں لندن میں بند کیں، مگر فلسطین کو اپنا ملک اور القدس کو اپنا شہر قرار دیتا تھا۔ وہ شاعر جو سفارت کار بھی تھا عرب قوم پرستی کا مبلغ جانا گیا، اس کی شاعری میں محبت اور عورت کو بہت زیادہ کھلے انداز میں بیان کیا گیا۔ نزار قابانی اسی وجہ سے عرب دنیا کے پبلو نرودا قرار پائے مگر انہوں نے مزاحمتی شاعری بھی کی ۔ قابانی کی شہرہ آفاق نظم ’القدس‘ رہتی دنیا تک پڑھنے والوں کو مسحور کرتی رہے گی ۔ بیت المقدس کی محبت میں لکھی گئی اس نظم کو بارہ برس قبل پڑھا تھا، نہیں جانتا کہ اس کا کوئی اچھا اردو ترجمہ کیا گیا ہے۔
یہاں اس نظم کو انگریزی اور عربی میں پڑھنے والوں کیلئے نقل کیا جا رہا ہے ۔ موجودہ حالات میں ایک لکھاری القدس پر نظمیں پڑھ سکتا ہے یا پھر مسلم امہ کی بے بسی پر نوحے لکھ سکتا ہے۔ نزار قابانی نے اس نظم میں القدس کو’ امن ومحبت کا شہر وفا‘ کہا ہے ۔

Jerusalem