ججز نوازشريف کے نشانے پر

Reading Time: < 1 minute

سابق وزيراعظم نوازشريف نے احتساب عدالت کے باہر ميڈیا سے گفتگو  کرتے ہوئے سوال اٹھايا کہ عمران خان اور چيف جسٹس کي زبان ميں کيا فرق رہ گيا ہے پي سي او ججز انہيں کيا اخلاقيات سکھائيں گے، چور ،ڈاکو اورمافيا جيسے الفاظ ججز کو زيب نہيں ديتے،يہ الفاظ ان کے اپنے منصب کي توہين ہيں،سابق وزيراعظم نے کہا کہ وہ کسي کرپشن ميں ملوث نہيں عدالت انہيں پارٹي صدارت سے ہٹانا چاہتي ہے، وہ ايسے فيصلے کو نہيں مانتے،دل اور نيت صاف ہو تو اللہ تعالي ساتھ ديتا ہے،،سابق وزيراعظم بولے وہ ايسي چيزوں کے سامنے اپنے ضمير کے مطابق کھڑے رہيں گے،وہ سمجھوتہ کرنے والے لوگ نہيں،حالات کا مقابلہ کريں گے،،نوازشريف کا کہنا تھا کہ اپنے حلف کے ساتھ غداري کرنے والے ملک کے ليے قابل قبول نہيں ہيں