رشوت لینے والا جج برطرف
ایگزیکٹ جعلی ڈگری کیس میں مبینہ طور پر رشوت لے کر شعیب شیخ کو بری کرنے والے جج ہر الزام ثابت ہو گیا _ نوکری سے برطرف کر دیا گیا ہے _
معطل ایڈیشنل سیشن جج پرویزالقادر میمن کو نوکری سے فارغ کرنے کا نوٹی فکیشن جاری کر دیا گیا _ نوٹیفکیشن رجسٹرار اسلام آباد ہائیکورٹ راجہ جواد حسن عباس نے جاری کیا _ سابق ایڈیشل سیشن جج نے ایگزیکٹ کیس میں پچاس لاکھ روپے رشوت وصول کرنے کا اعتراف کیا تھا، پرویزالقادر میمن نے رشوت لے کر ایگزیکٹ کے چیف ایگزیکٹو شعیب شیخ کو بری کیا تھا _
پرویز القادرمیمن نے اسلام آباد ہائیکورٹ کی ڈیپارٹمنٹل پروموشن کمیٹی کے سامنے رشوت لینے کا اعتراف کیا، اسلام آباد ہائی کورٹ کے چیف جسٹس نے ایڈیشنل سیشن جج پرویزالقادر میمن کو شوکاز نوٹس دے کر معاملے کی انکوائری کرائی _
واضح رہے کہ گزشتہ دنوں سپریم کورٹ کے چیف جسٹس ثاقب نثار نے ایگزیکٹ ڈگری ازخود نوٹس کی سماعت کے دوران اس جج کی آواز انکوائری کی رپورٹ طلب کی تھی _
