جج پر مقدمہ درج کرنے کا فیصلہ
اسلام آباد کی ماتحت عدلیہ سے کرپشن پر فارغ کئے گئے جج کے خلاف مقدمہ درج کرنے کا فیصلہ کیا گیا ہے _ ایگزیکٹ جعلی ڈگری کیس میں رشوت لے کر بری کرنے پر نیا مقدمہ درج کرنے کا فیصلہ کیا گیا ہے _
یہ فیصلہ اسلام آباد ہائی کورٹ انتظامیہ نے کیا ہے، ذرائع کے مطابق شعیب شیخ اور برطرف جج کے خلاف ایف آئی آر درج کی جائے گی _
ملزمان کے خلاف انسداد بدعنوانی اور تعزیرات پاکستان کی دفعات کے تحت مقدمہ درج ہوگا _ ذرائع کا کہنا ہے کہ چیف جسٹس ہائیکورٹ کی منظوری کے بعد ایف آئی اے مقدمہ درج کرے گی _
واضح رہے کہ اسلام آباد ہائی کورٹ کی انتظامی کمیٹی نے جج کو رشوت دینے پر مقدمہ درج کرنے کی سفارش کی تھی _ جج پرویز القادر ممین کو نوکری سے برطرف کیا جا چکا ہے _
