بڑوں کی فائرنگ سے بچی جاں بحق

ضلع راولپنڈی کے تھانہ چونترہ کے علاقہ سنگرال میں دو گروپوں کے مابین تصادم کے نتیجہ میں کمسن بچی سر میں گولی لگنے کے باعث جانبحق ہو گئی، پولیس نے فائرنگ کرنے والے تین ملزمان گرفتار کرلئے ۔

چونترہ پولیس کے مطابق سنگرال کے علاقہ میں ندیم اعجاز اور مشتاق انور کے گروپ میں تصادم کے نتیجہ میں فائرنگ کا تبادلہ جاری تھا کہ اس دوران ایک گولی چار سالہ عروج کے سر میں لگ گئی جسے تشویشناک حالت میں ڈی ایچ کیو منتقل کیا گیا لیکن وہ جانبر نہ ہو سکی ۔

واقعہ کے بعد سی پی او راولپنڈی کی ہدایت پر پولیس نے فائرنگ کرنے والے تین ملزمان کو گرفتار کرلیا ہے جبکہ بقیہ ملزمان کی گرفتاری کے لیئے الگ ٹیمیں تشکیل دے دی گئی ہیں جو ملزمان کی گرفتاری کے لیئے چونترہ کے علاقے میں چھاپے مار رہی ہیں۔