ائر پورٹ پر کرنسی اسمگلر گرفتار

Reading Time: < 1 minute

اسلام آباد ائرپورٹ پر کسٹمز کی کارروائی میں بیرون ملک کرنسی سمگلنگ کی کوشش ناکام بنا دی گئی ہے ۔

کسٹمز حکام نے دعوی کیا ہے کہ اسلام آباد سے دبئی جانے والے مسافر کے سامان سے 43 لاکھ روپے مالیت کی کرنسی برآمد کی گئی ۔ کسٹمز حکام کے مطابق ملزم ماجد خان کو پرواز سے آف لوڈ کرکے گرفتار کر لیا گیا ۔

کسٹمز حکام کے بیان کے مطابق ملزم کے قبضے سے 1 لاکھ 9 ہزار 1 سو یو اے ای درہم، 2 ہزار قطری ریال، 2100 پاکستانی کرنسی برآمد کی گئی، ماجد خان پی آئی اے کی پرواز پی کے 233 سے دبئی جانا چاہتا تھا ۔