زرادری کا کیس چیف جسٹس سنیں گے

جعلی بینک اکاؤنٹ کیس فیصلہ پر آصف علی زرداری اور فریال تالپور کی نظرثانی کی درخواستیں سماعت کے لیے مقرر کر دی گئی ہیں ۔
چیف جسٹس نے جعلی بینک اکاؤنٹ کیس فیصلے پر نظرثانی درخواستوں کی سماعت کے لیے بینچ تشکیل دے دیا ہے ۔
بنچ کی سربراہی چیف جسٹس آصف سعید کھوسہ خود کریں گے جبکہ جسٹس فیصل عرب اور جسٹس اعجاز الاحسن بینچ میں شامل ہیں ۔
تین رکنی بینچ 19 فروری کو ایک بجے دوپہر نظر ثانی درخواستوں کی سماعت کرے گا ۔ عدالت نے وزیراعلیٰ سندھ مراد علی شاہ اور بلاول بھٹو زرداری کی نظر ثانی درخواستیں بھی سماعت کے لیے مقرر کر دی ہیں ۔
اس کے علاوہ حکومت سندھ، انور مجید، عبدالغنی مجید اور دیگر کی نظرثانی کی درخواستیں بھی سماعت کے لیے ساتھ ہی لگائی گئی ہیں ۔