افغانستان میں امریکی طیارہ گرنے کی تصدیق

Reading Time: < 1 minute

امریکہ نے تصدیق کی ہے کہ اس کا ایک فوجی طیارہ افغانستان کے صوبے غزنی میں گرا ہے۔

اس سے قبل طالبان نے دعوی کیا تھا کہ انہوں نے امریکی سی آئی اے کا جہاز مار گرایا ہے۔

امریکی حکام کے مطابق ایسے شواہد نہیں ملے کہ طیارے کو دشمن نے نشانہ بنایا ہو۔

قبل ازیں پیر کی شام افغان حکام نے غزنی میں طیارہ گرنے اور اس میں آگ لگنے کی تصدیق کی تھی جبکہ عالمی ذرائع ابلاغ نے ابتدائی طور پر خبر دی تھی کہ گرنے والا ارنا ایئر لائن کا مسافر بردار طیارہ تھا۔