تھائی لینڈ: قتل عام کرنے والا فوجی ہلاک

Reading Time: < 1 minute

تھائی لینڈ میں ایک مورچہ بند سکیورٹی اہلکار نے مشین گن سے فائرنگ کر کے کم از کم 21 افراد کو ہلاک جبکہ متعدد کو زخمی کر دیا جس کے 24 گھنٹے بعد حملہ آور کو ہلاک کر دیا گیا۔

تھائی ذرائع ابلاغ کے مطابق سنیچر کو پیش آنے والے اس واقعے میں ایک سکیورٹی اہلکار نے فوجی مشین گن سے پہلے اپنے افسران اور پھر شاپنگ مال میں مورچہ لگا کر عام شہریوں کو نشانہ بنایا۔

فائرنگ کے دوران شہر کے اسپتالوں کی ایمرجنسی لائے گئے زخمیوں کی تعداد 24 ہے۔

فائرنگ کرنے والے اہلکار کو 24 گھنٹے کی کوشش کے بعد فائرنگ کرکے ہلاک کر دیا گیا ہے۔

ملزم نے اپنی ویڈیوز اور تصاویر فیس بک اور ٹوئٹر پر پوسٹ کی ہیں۔

فیس بک نے ملزم کا پیج بلاک کر دیا ہے۔