برطانیہ: وزیر صحت کو بھی کورونا، چھ ہلاک

Reading Time: < 1 minute

چین سے نکلنے والے کورونا وائرس سے اب دنیا کے 119 ملکوں میں ایک لاکھ 20 ہزار افراد بیمار ہو چکے ہیں۔

ادھر برطانوی وزیر صحت نادین دوریس کا کورونا ٹیسٹ بھی مثبت آیا ہے اور انہوں نے خود کو گھر میں بند کر لیا ہے۔ برطانیہ میں وبا سے چھ افراد مر چکے ہیں جبکہ مریضوں کی تعداد دو سو کے لگ بھگ ہے۔

بین الاقوامی خبر رساں اداروں کے مطابق اٹلی میں کورونا سے ہلاکتوں کی تعداد چھ سو سے بڑھ گئی ہے۔ یورپی ملکوں میں اٹلی کورونا سے سب سے زیادہ متاثر ہونے والا ملک ہے۔

چین کے صدر شی جنپنگ کے ووہان کے دورے کے بعد وہاں قائم خصوصی ہسپتال بند کر دیا گیا ہے جس کے ذریعے حکام نے کورونا پر قابو پانے کا پیغام دیا ہے۔