وزیراعظم کی قرضوں کی ادائیگی میں ریلیف کی اپیل

پاکستان کے وزیراعظم عمران خان نے کہا ہے کہ ترقی پذیر ملکوں کو عالمی وبا کا مقابلہ کرنے کے لیے بین الاقوامی مدد کی ضرورت ہے۔

اتوار کو ٹی وی پر مختصر ریکارڈڈ خطاب میں پاکستانی وزیراعظم نے کہا کہ ان کا ملک زیادہ سے زیادہ آٹھ ارب ڈالر لگا سکتے ہیں اور اتنی ہی رقم برداشت کر سکتے ہیں،

”ترقی پذیر ممالک کے پاس مالی وسائل نہیں کہ موجودہ بحران پر قابو پا سکیں۔ مالی وسائل کا مسئلہ اس لیے ہے کہ ایک طرف صحت کے شعبے پر اخراجات کرنے ہیں اور دوسری جانب لوگوں کو بھوک سے مرنے سے بچانا ہے۔“

انہوں نے کہا کہ قرضوں کے بوجھ تلے دبے ملکوں کو موجودہ صورتحال میں ریلیف دیا جائے۔

عمران خان نے دنیا کے لیڈروں، مالیاتی اداروں کے سربراہوں اور اقوام متحدہ کے سیکریٹری جنرل سے اپیل کی ایسا لائحہ عمل ترتیب دیا جائے کہ مقروض ملکوں کو قرضوں کی ادائیگی میں سہولت میسر آئے اور وہ کورونا سے مقابلہ کر سکیں۔”