برطانیہ: لاک ڈاؤن میں تین ہفتوں کی توسیع

Reading Time: < 1 minute

برطانوی حکومت نے کہا ہے کہ کورونا وائرس کے پھیلاؤ کو روکنے کے لیے نافذ کیا گیا ملک گیر لاک ڈاؤن مزید تین ہفتے تک جاری رہے گا۔

ادھر یورپ کے ورلڈ ہیلتھ آرگنائزیشن کے علاقائی ڈائریکٹر ہانس کلگ نے خطے کے تمام ملکوں سے کہا ہے کہ وہ کورونا وائرس کے خلاف ایک جیسے اقدامات کریں۔

واضح رہے کہ یورپ میں گزشتہ دس دنوں کے دوران کورونا وائرس کے کیسز دو گنا ہو گئے ہیں اور بدترین متاثرہ ملکوں میں مریضوں کے تعداد ایک دوسرے کے برابر ہو گئی ہے۔

ہانس کلگ نے خبردار کیا ہے کہ یورپ اس وقت طوفان کی آنکھ میں ہے۔

یورپ میں اٹلی، سپین، فرانس، برطانیہ اور جرمنی میں کل ہلاکتیں 80 ہزار کے لگ بھگ ہیں جبکہ متاثرین کی تعداد دس لاکھ کے قریب ہے۔