ہواوے نے سام سنگ کو پیچھے چھوڑ دیا

بین الاقوامی مارکیٹ میں چین کی سیلولر فون کمپنی ہواوے نے یونٹ فروخت میں سام سنگ کو پیچھے چھوڑ دیا ہے۔

ہواوے نے رواں برس کی دوسری سہ ماہی میں پانچ کروڑ 58 لاکھ فون سیٹ فروخت کیے۔

واضح رہے کہ چین کی کمپنی ہواوے کو امریکہ میں پابندی کا سامنا ہے اور یورپ میں بھی اس کی فائیو جی ٹیکنالوجی کو ہٹانے کے لیے مختلف حکومتوں نے اقدامات کا آغاز کیا ہے جس کے جواب میں چین نے بھی ان ممالک کے خلاف تجارتی سامان پر کارروائی کرنے سے خبردار کیا ہے۔